Vinnustaða­skírteini beint í símann

Stafræn vinnustaðaskírteini fyrir allt starfsfólkið, beint í símaveskið á iPhone og Android. Þú uppfærir gildistíma og ógildir skírteini í rauntíma, án þess að prenta eitt einasta plastkort.

3.990 kr. á mánuði án vsk fyrir ótakmarkaðan fjölda skírteina. Þróað í samstarfi við SI, SA, SAF og SVÞ.

Stafrænt vinnustaðaskírteini frá Hver ertu í símaveski

Yfir 100 fyrirtæki nota Hver ertu

Og yfir 3.000 vinnustaðaskírteini hafa verið gefin út í kerfinu.

  • Borgarverk
  • Rafal
  • Jáverk
  • Alefli
  • Colas
  • Brimborg
  • Garðlist
  • Verkás
  • Stjörnublikk
  • Kappar
  • Launafl
  • Frost
  • Steypustöðin
  • Rafmenn

Allt sem lögin krefjast, á einu skírteini

Skírteinið uppfyllir kröfur laga nr. 42/2010 og er alltaf við höndina í símaveski starfsmannsins.

Vinnustaðaskírteini í símaveski
Nafn og kennitala starfsmanns
Nafn og kennitala atvinnurekanda
Mynd af starfsmanni
Starfsheiti
QR-kóði sem sýnir gildistíma
  • Mynd af starfsmanni
  • Nafn og kennitala starfsmanns
  • Nafn og kennitala atvinnurekanda
  • Starfsheiti
  • QR-kóði sem sýnir gildistíma

Hverjir þurfa vinnustaða­skírteini?

Samkvæmt lögum nr. 42/2010 á atvinnurekandi að sjá til þess að hann sjálfur og starfsmenn hans, líka starfsmenn frá starfsmannaleigum, fái vinnustaðaskírteini og beri þau á sér við vinnu. Lögin ná m.a. til þessara greina:

  • Byggingar og mannvirkjagerð
  • Gististaðir
  • Veitingarekstur og söluturnar
  • Rafiðnaður
  • Bílgreinar
  • Málm- og véltækni
  • Húsgagna- og innréttingasmíði
  • Gleriðnaður
  • Kjötvinnsla og bakarí
  • Veitustarfsemi
  • Fjarskipti og upplýsingaþjónusta
  • Öryggisþjónusta
  • Fólksflutningar og ferðaþjónusta
  • Skrúðgarðyrkja

Og fleiri greinar. Nánari upplýsingar á skirteini.is.

Hverjir falla undir?

Skyldan gildir um iðnaðar- og verkafólk. Skrifstofufólk og sérfræðingar í meðalstórum og stærri fyrirtækjum eru almennt undanskilin, en stjórnendur fyrirtækja með færri en 10 starfsmenn falla undir.

Eftirlit og dagsektir

Eftirlitsaðilar frá stéttarfélögum og Vinnueftirlitinu geta mætt á vinnustaðinn og beðið um að sjá vinnustaðaskírteini. Vanti þau getur það leitt til dagsekta.

Svona virkar þetta

Umsýslukerfi Hver ertu í tölvu og vinnustaðaskírteini í síma
  1. Stofnaðu aðgang

    Það er fljótlegt að stofna aðgang og þú getur strax byrjað að nota kerfið.

  2. Búðu til skírteinin

    Skráðu starfsmenn og búðu til skírteini fyrir alla í örfáum skrefum.

  3. Starfsmenn fá skírteinið

    Hver starfsmaður fær tölvupóst og bætir skírteininu í símaveskið með einum smelli.

  4. Þú heldur utan um allt

    Breyttu gildistíma, ógiltu skírteini og bættu við nýjum starfsmönnum hvenær sem er.

Það sem fylgir

Ótakmarkaður fjöldi skírteina

Eitt fast mánaðargjald, sama hve margir starfsmennirnir eru.

Apple og Android

Kerfið sendir skírteinin í tölvupósti og þau virka í símaveskinu á báðum gerðum síma.

Ógilt um leið

Þegar starfsmaður hættir ógildir þú skírteinið strax svo það verði ekki notað áfram.

Yfirsýn yfir öll skírteini

Sjáðu útgefin skírteini, stöðu þeirra og gildistíma, og uppfærðu eða eyddu eftir þörfum.

Listar til samstarfsaðila

Veldu starfsmenn og sendu skírteinalista á verkkaupa eða samstarfsaðila beint úr kerfinu.

Þitt merki og þínir litir

Skírteinin bera merki fyrirtækisins og þá liti sem þú velur.

Allir starfsmenn í einu

Flyttu inn starfsmannalista úr Excel eða CSV og búðu til öll skírteinin í einu.

Tenging við þín kerfi

Með API getur launa- eða mannauðskerfið ykkar stofnað og ógilt skírteini sjálfkrafa.

Ekkert plast, engin bið

Engin prentun hjá þriðja aðila og ekkert kort sem týnist. Umhverfisvænn kostur á sanngjörnu verði.

Eitt verð, sama hve margir starfsmenn

Vinnustaðaskírteini

3.990 kr.á mánuði án vsk

Aðildarfyrirtæki SI, SA, SAF og SVÞ fá 50% afslátt og greiða 1.995 kr. á mánuði án vsk.

  • Ótakmarkaður fjöldi vinnustaðaskírteina
  • Skírteini í símaveskið á iPhone og Android
  • Umsýslukerfi með yfirsýn og gildistíma
  • Skírteinalistar til samstarfsaðila
  • Mánaðar- eða ársáskrift

Viðbót: rafrænar heilsufarsyfirlýsingar. 2.990 kr. á mánuði án vsk og 200 kr. + vsk fyrir hverja rafræna undirritun. Aðildarfyrirtæki fá 50% afslátt af mánaðarverði.

Nánar

Rafrænar heilsufars­yfirlýsingar

Haltu utan um heilsufarsyfirlýsingar starfsfólks án pappírs og handvirkrar umsýslu. Hentar sérstaklega fyrirtækjum í veitingageira, matvælaiðnaði og framleiðslu og vinnslu matvæla.

  1. Þú sendir yfirlýsingu

    Fyrirtækið stofnar heilsufarsyfirlýsingu í kerfinu og starfsmaður fær hana senda rafrænt.

  2. Starfsmaður skrifar undir

    Hann skrifar undir með rafrænni undirskrift og yfirlýsingin vistast sjálfkrafa í kerfinu.

  3. Allt á einum stað

    Yfirlýsingin er aðgengileg undir vinnustaðaskírteini starfsmanns og stjórnendur hafa aðgang að öllum yfirlýsingum.

  • Engin pappírsvinna eða handvirk skráning
  • Allar yfirlýsingar geymdar á einum stað
  • Sýnilegt hver hefur undirritað og hvenær
  • Auðvelt að nálgast yfirlýsingar við eftirlit
  • Minni hætta á að gögn týnist
  • Tengist beint vinnustaðaskírteini starfsmanns

2.990 kr. á mánuði án vsk sem viðbót við vinnustaðaskírteini. Rafræn undirskrift kostar 200 kr. + vsk fyrir hverja undirritun. Aðildarfyrirtæki SI, SA, SAF og SVÞ fá 50% afslátt af mánaðarverði.

Þróað með atvinnulífinu

Hver ertu var þróað í samstarfi við Samtök iðnaðarins, Samtök atvinnulífsins, Samtök verslunar og þjónustu og Samtök ferðaþjónustunnar. Aðildarfyrirtæki samtakanna fá kerfið á sérstökum kjörum.

Filmís vef- og hugbúnaðarstofa rekur Hver ertu. Starfsfólk okkar býr yfir meira en 10 ára reynslu í vef- og hugbúnaðargerð.

Samtök iðnaðarins
Samtök atvinnulífsins
Samtök ferðaþjónustunnar
Samtök verslunar og þjónustu

Algengar spurningar

Finnurðu ekki svarið? Hringdu í 537-1717 eða sendu línu á skilriki@hverertu.is. Íslensk þjónusta, við svörum í síma.

Hverjir þurfa að bera vinnustaðaskírteini?

Atvinnurekendur og starfsmenn í þeim atvinnugreinum sem lög nr. 42/2010 og kjarasamningar ná til, t.d. byggingariðnaði, gisti- og veitingarekstri, rafiðnaði og bílgreinum. Sjá listann yfir atvinnugreinar.

Eru stafræn skírteini jafngild plastskírteinum?

Já. Stafrænu vinnustaðaskírteinin uppfylla sömu kröfur og hefðbundin plast- og pappírsskírteini: nafn og kennitala atvinnurekanda og starfsmanns ásamt mynd af starfsmanni.

Hvernig fá starfsmenn skírteinið?

Kerfið sendir hverjum starfsmanni tölvupóst með hnappi til að bæta skírteininu í símaveskið. Það virkar bæði á iPhone og Android.

Hvernig er skírteinið sýnt við eftirlit?

Starfsmaðurinn opnar símaveskið og sýnir skírteinið. Á því er QR-kóði sem hægt er að skanna til að sjá gildistíma skírteinisins.

Hvað gerist þegar starfsmaður hættir?

Þú ógildir skírteinið í kerfinu og það er strax óvirkt, svo viðkomandi getur ekki notað það áfram.

Hvað kostar þetta?

3.990 kr. á mánuði án vsk fyrir ótakmarkaðan fjölda skírteina. Aðildarfyrirtæki SI, SA, SAF og SVÞ fá 50% afslátt. Hægt er að velja mánaðar- eða ársáskrift.

Þarf fyrirtækið að vera í SI, SA, SAF eða SVÞ?

Nei. Hver ertu er fyrir öll fyrirtæki á Íslandi. Aðildarfyrirtæki samtakanna fá hins vegar 50% afslátt af mánaðarverði.

Hvernig segi ég upp áskriftinni?

Sendu tölvupóst á skilriki@hverertu.is og við göngum frá uppsögninni.

Komdu skírteinunum í lag fyrir næsta eftirlit

Stofnaðu aðgang og sendu starfsfólkinu vinnustaðaskírteinin í dag.